揀餐廳食飯咁講究，點解揀IM唔可以？| Gap撈Tech

IM 全寫係 Instant Messaging 即係而家泛指既通訊App，最為香港人熟悉嘅不外乎 WhatsApp／ Line ／微信 (WeChat)。

IM 已經成為生活必需品，你有無好好選擇？

如果你要我一定係 WhatsApp／ Line ／微信呢個小圈子入面揀一個黎用？對唔住，我腦海產生嘅第一個想法 :

真係只有呢三個App 合資格做我嘅生活必需品？

就係因為呢三個 IM 香港先多人用，所以我一定要係呢三個小圈子度揀一個？他們不代表我，我寧願揀企出黎，同大家介紹一個更好嘅選擇。

情況就好似將來 2017 年大家可以為香港揀佢嘅「必需品」，但係呢個「必需品」係由 1200 個提委自己揀完兩、三個出黎先再比你揀，你叫我點揀？

相信大家見到上面幅 Banner 已經知道我對香港人最熟悉嘅三款 IM 灰左，而唯一令我生命有返啲色彩嘅就係我今日要推介嘅餐廳－ Telegram。

餐廳？用餐廳比喻 IM 看似不切實際，其實很有意義

係未正式介紹 Telegram 之前，容許我以餐廳比喻現時嘅 IM，你會揀邊間餐廳？

WhatsApp 餐廳 – 一間外資餐廳，係香港屹立左幾年，係香港老字號，最多香港人幫襯，但因為出餸慢成日都要等，餸菜不是特別出眾，只能稱得上醫肚。最近三年接近原地踏步，開業至今不設外賣（最近開放 Android 外賣，但外賣必須喺店外範圍進食）。
Line 餐廳 – 一間包裝得好華麗嘅餐廳，入面餸款最多。內𥚃甚至有遊戲機比食客玩，如果邀請其它食客玩，仲可以玩多幾局。但係呢間野保安做得唔好，好多扒手出沒，負面報導最多，有受害者試過唔見幾千蚊。設有外賣，但感覺外賣像TVB啲劇一樣是是但但。
WeChat 餐廳 – 一間大陸人包辦嘅餐廳，Line 餐廳有乜佢就有乜，但係客人 Order 嘅每一個餸喺會經過審查。

Telegram 餐廳－一間成立不夠兩年嘅新晉食堂，多外國人唔算多香港人幫襯，但勝在出餸快、味道好以及所有個餸嘅細節處理得好細膩，甚至將所有餸菜嘅烹調方法公諸同好，係一個真正以食客為本嘅餐廳。另外餐廳保安做得好，無扒手；餐廳團隊堅持信念，希望食客專注用餐，不設遊戲機，支持高質素外賣。

介紹完四間餐廳，睇完你會點揀？

體驗真正的IM

我自己由一年半前無意中發現 Telegram，當時聯絡人𥚃面一個人都冇，但我作為一個 Programmer 非常欣賞 Telegram 背後的概念，就想嘗試放棄 Whatsapp

Telegram is not intended to bring revenue, it will never sell ads and cannot accept outside investment. It also cannot be sold. We're not building a “user base”, we are building a messenger for the people.

於是我首先叫我既親人、女朋友、最好的朋友開始一齊轉用 Telegram，身邊用過Telegram 既人都會覺得好方便，最大優勝就係極速、支持多平台同埋無需要備份，之後基本上唔熟既朋友先會用 Whatsapp 聯絡。直到最近兩個月，Telegram 出左好多新功能例如 Passcode Lock 、 Reply 、 HashTag、愈出愈好，所有新功能都係針對用家去做，令我對 IM 既要求除左要快之外，變高左好多，覺得 Whatsapp 真係好過時，所以我不得不介紹 Telegram 比大家，希望大家可以一齊用一樣更人性化既產品，拒絕爛橙。

Telegram 簡介

Telegram is a messaging app with a focus on speed and security, it’s super fast, simple and free. You can use Telegram on all your devices at the same time — your messages sync seamlessly across any of your phones, tablets or computers. －節錄於 Telegram 官方網站

上文主要描述 Telegram 係一個專注速度及保安嘅 IM，一個超快、簡單及免費的App。你可以同時在不同裝置上使用 Telegram，所有訊息可以完美同步到任何電話、平板、電腦。

Telegram 最有實力

對於 IM 黎講「每日處理訊息量」等同成績表，愈高愈好。

8 Dec 2014 Telegram 每日處理訊息量達破 10億條

試想一間冇做任何宣傳嘅 App，要係啲 IM 巨頭搶用家看似冇可能，但事實擺在眼前，只靠實力贏得 Word of Mouth 嘅 Telegram，一年半內有 5000 萬人使用，每日處理訊息量達破 10億條實在唔簡單，可能好多首批用家同我一樣欣賞Telegram 背後的概念，但豈止於此？最近五個月每日處理短訊量翻再一倍！高達20億條！

13 May 2015 Telegram 每日處理訊息量達破 20億條

一間餐廳再宣傳得好，如果啲餸菜唔好食，只會愈黎愈少人去。因為？