興趣可唔可以當飯食？

睇完呢條片，令阿 Gap 回想起一件事。

有朋友曾經問過阿 Gap 一條好尖酸刻薄嘅問題：

「其實你整個 Telegram bot 出黎為咩呢？又無錢搵」

阿 Gap 答：
「為興趣」

朋友：
「無錢架喎！興趣可唔可以當飯食呀？」

阿 Gap :
「如果用以前 Freelance Workload 計，其實都只係值三、四萬，呢啲時間我花得起！」

為興趣放棄某啲$$$

當你話要「為興趣放棄某啲$$$」嘅時候，相信差唔多九成人都會問你同一條問題「興趣可唔可以當飯食？」；答案因人而異，但做一件自己有興趣嘅事會事半功倍，相信大家都應該有同樣經歷。好可惜，幾年前阿 Gap 仲讀緊書嘅時候，將自己所有時間投資咗落去「補習搵錢」，無將啲時間投資落去自己嘅興趣上面，嗰三年，係生平最黑暗嘅三年。

阿 Gap 相信人生有 Butterfly Effects；即係話每當一啲事嘅影響力達到某個水平，就會改寫你下一秒嘅人生。換句話說，嗰三年真係影響得阿 Gap 好深，亦都反省得好甘。或者因為嗰三年，而家阿 Gap 行嘅每一步都係按興趣行先，理由其實只係「阿 Gap 深信呢一條係最 Efficient 嘅路」

今日睇到王晶咁樣去用錢衡量成功，的確十分反感，有啲似前幾年阿 Gap 嘅思想。今日阿 Gap 會覺得如果咁後生就已經向錢看咁短視，用錢去衡量成功，今天你可能會覺得比同輩賺多四五千好高興，幾年後或者你會同阿 Gap 一樣好後悔自己曾經的短視。

興趣其實係一種為生命填上色彩嘅活動，點解啲人要用錢去衡量？

因為佢地嘅興趣就係搵錢、洗錢

結語

儘管阿 Gap 極度後悔嗰三年「補習搵錢」；人總要看前看，點都唔會似陳百祥咁樣 FF 話會做到乜乜乜。

送一句格言比大家：

Word hard in silence, let your success make the noise.