討論區只係一個平台
高登討論區本質上同 Facebook、Instagram 無異，提供一個平台聚集一班用戶集成一個網上社區；平台能夠提供一個良好用戶體驗，用戶能夠開心使用平台上嘅功能，平台就植入一啲廣告賺取收入，兩全其美。
換句話說：當一個平台失去咗呢班人，其實已經乜都唔係。
眼見高登於一星期內瞬間失去大部份用家，喺阿 Gap 眼中覺得係理所當然，甚至會反問：「高登居然能夠撐到 2016 年先開始沉淪！？」
當一個平台成功聚集一個巨型社區後，並且每個月能夠有不錯嘅盈利，平台就有責任以用戶為先，撥出部份盈利「與時並進」。
可惜高登卻原地踏步，古語有云：
逆水行舟，不進則退
伺服器速度奇慢
LIHKG 未出現之前，有大量用戶嘅高登伺服器一直存在好多顯然易見嘅問題卻沒內去理。
- 繁忙時間用電腦枱機上高登網站，大部份時間加載時間超過 5 秒
- 繁忙時間發佈回覆等候時間超過 10 秒
- 未能支援一啲粵語字「嘅」、「咗」之類
坦白講，每一個用戶都係錢黎，一個用戶能夠為平台帶到幾多收入其實有數得計（稱為 ARPU）；若出現用戶增加而令大部份用戶體驗變差，平台必須要迅速糾正，呢個係作為一個平台最基本責任。
反觀高登竟然能夠持續超過一年甚至幾年都係提供呢個質素嘅表現，可見此平台絕非「用戶行先」，有時見到同事上高登，不禁會問其中一個 03年開始上嘅同事：
究竟高登幾時死？
官方比第三方差
阿 Gap 相信每一個人必定偏好揀官方 App，無足夠誘因根本唔會用第三方 App。
以 Facebook、Instagram 為例，作為一個 Developer 嘅阿 Gap 能夠肯肯定呢兩個平台提供嘅 Public API 絕對可以重新起一隻一模一樣嘅 App 出黎！但有幾多人會咁做？有幾多人用緊第三方開發嘅 App？道理好顯淺：
當一個官方 App 做得足夠好用嘅時候
- 邊個會咁得閒搵第三方 App 去用？
- 邊個會咁得閒去自行開發第三方 App？
當官方有提供 API 作第三方開發嘅時候：
- 有邊個會咁得閒 Parse 你啲 HTML？
當官方提供嘅 API 足夠快、足夠穩定嘅時候：
- 邊個會咁得閒會 Cache 底個你個 API Response？
一個巨型高登社區入面，有人想自發幫助社區內嘅人提升上高登嘅用戶體驗，喺未有官方 App、無 API 嘅情況下，自己靠 Parse HTML 研發首個第三方高登 Android Mobile App，雖得到用戶嘅賞識，但高登反而踐踏用戶嘅賞識作出封殺。
林祖舜每次衝出黎 _ 都喜歡倒果為因，不單只沒有正視問題，更意圖將責任推比第三方開發者，從來無考慮過與高質素嘅第三方開發者長遠合作或自行推出一個「足夠好」嘅官方高登 App。
不過做 App 需時，連尼住同埋 Plus 仔曾經花時間所付出嘅努力唔可能一朝一夕就抄得走。所謂遠水不能救近火，林祖舜索性叫用戶轉用 Mobile 網頁版「頂住先」...
Mobile 版只係一個縮細版
得罪講句： m.hkgolden.com 根本仲停留係岩岩開始有智能電話嘅年代大約係 Android 2.x 或 iPhone 2G/3G 年代，毫無 UX (User Experience) 可言。
當年嘅智能電話處理器效能低，運行太多 Client side Javascript 可能會好 Lag。但時代已經唔同咗， 智能電話嘅處理器效能已經提升咗數以百倍，用家拎住一部咁有「威力」嘅智能電話，佢地需要嘅係良好嘅 UX (User Experience)，而唔係用到就算嘅 UI (User Interface)。
何謂 UX 差？以下有一堆問題：
-
仲未係 Single Page Application？仲要人地每禁一下，就要等瀏灠器重新載入整個網站？
-
仲未有自動加載下一版或者左掃右掃轉頁？仲要人地不斷禁下一頁？
-
除咗界面提供嘅 UX 非常差之外，高登伺服器使用嘅技術更加喺時代嘅眼淚。
古老技術缺陷成致命缺點
高登討論區係十幾年前嘅產物，十幾年前 Software Development 亦無今時今日咁發達。好多以前「人人都係咁做」嘅技術，現今可能已經成為 Anti-Pattern。
依舊使用 forum1 、 forum2 ...
呢個做法不能夠按伺服器狀態或流量分流，例如有網絡紅人分享咗一條高登 Link "forum7.hkgolden.com" ，大量人湧去嗰部伺服器 7 一樣會造成過大流量而 Load 唔到，心水清嘅高登用戶會自行轉成 m.hkgolden.com 
人手分流後再繼續。
只要轉做 Hardward Load-balancing 就可以輕易解決到呢個問題，以後更加唔會出現 forum1234567 ，只會見到 forum.hkgolden.com。
Blocking I/O
高登討論區根本無需要處理大量運算，大部份時間只係讀取 Database，聲稱開到十幾部機都咁慢完全講唔過去。實情係古老技術浪費極多資源喺「等 I/O」，外國好多成功例子由 Blocking I/O 轉為 Non-Blocking I/O 能夠由十幾部機減少到幾部機運行。
沒有落重 Cache
一個討論區如果落重 Cache 嘅話亦無可能慢得咁緊要。高登其中一個特質「不能修改 POST」其實非常有利做 Cache，有落重 Cache 嘅 Server 大量讀取都可以不經 Database，可以大大減低 Database 嘅負荷。
沒有 CDN、沒有 Minify
只要將啲 Static 嘅 Javascript / CSS files Offload 去其它出名嘅 CDN Service，例如 CloudFront、MaxCDN、Google Cloud CDN，已經可以大大減低伺服器流量。
一個 520 Byte 嘅 Javascript file 要 Block 我 2.36秒？
另外一般 Javascript/CSS Minify 後可以減少平均 50-70 % File Size，能夠大大提升手機 3/4G 用戶嘅體驗。
沒有使用 Https
基本上需要 Login 嘅服務最好都用 Https 加密，防止 Man-in-the-middle Attack，喺 2016 年真係非常基本，買張 Cert 真係咁難？再唔係可以完全免費咁用 Let's Encrypt 每三個月 Renew 一次張 Cert。
Https 本質上更加有助提升 Load 大量碎 File 嘅速度，按此測試 http://www.httpvshttps.com/
如垃圾崗般的 Web 版
見到下面幅圖嘅 Error 以及 Warning，好明顯無人重視或者嘗試過優化 Web 版，說好的「與時並進 重新出發」？
用新技術重寫要幾耐？
一年前，阿 Gap 曾經同同事盤算過重寫「高登討論區後台」所需時間，由於高登有幾個特點能夠大大減低開發時間及憂慮:
-
帖文或回覆發佈後不能直接修改
-
沒有提供上載圖片功能
-
沒有會員 Ranking 制度
兩個有經驗嘅 Developers 大約只需兩星期去用新技術重新寫一個「高登討論區純 API 後台」複製所有高登已有嘅功能。
另外 Web 版界面，有版你睇 https://lihkg.na.cx ，有咗 LIHKG 嘅 API 之後，幾日之內已經迅速已經起好一個 Single Page Application 嘅 Web 版 LIHKG。
兩樣加埋再比多兩星期你做 Data Migration，合共大約需要 1.5 個月。
一間聲稱每月純利 40 萬嘅公司要擁有自己嘅 Product Team 去持續開發真係咁難？不過一切已經太遲了。
LIHKG 掘起
高登討論區能夠賺 500萬／年，卻莫視用戶體驗，用戶奔向其它平台亦無可厚非，呢個係必然會出現嘅事實，一直以黎都只係差一個機會。
由 HKG＋被封嗰一刻結局大致上已經寫好咗，差就差在有無人去揭開呢一個序幕。
而肯去揭開呢一幕嘅人就係連尼住，上述提到要用新技術寫一個全新嘅 Backend，其實講緊少於一個月就能夠做到；Mobile App 方面，Android 同埋 iOS 基本上已經 Ready，只係作出少許改動就能夠完美支持新論壇 API，何樂而不為？
長路漫漫，阿 Gap 相信 LIHKG 能夠帶更多新衝擊、新體驗比 LIHKG 用戶，期待日後有一啲 LIHKG X _ _ _ _ 嘅產品或服務會出現！
總結
若果高登能夠真正倒閉及沒落，相信呢件事係一個非常好嘅啓示能比其它香港同類型嘅平台參考和學習。
唔好再恃住自己一台獨大就是是但但
高登要追？唔係無可能，但至少自己請番一條有質素嘅 Product Team 去追並且持續改進，而唔係外判出去被人寫 
! 若果能夠改善得到阿 Gap 上述問題，要䶢魚返生並唔係無可能。
今次只係一個用戶大遷徙，變的只係一個平台，社區原有的會員以及其精神依然長存 
（好似係）
話時話，LIHKG 有中文名未？究竟係叫高登三哥
定係叫連登架？
相關文章
回帶區
HKG+ 被正式通告落架
2014 - 2016 多謝各位巴打絲打二年來既支持。 基於香港高登不再授權 HKG+ 作為第三方程式，雖然好唔捨得，HKG+ 最終都要同大家講再見啦。詳細安排如下： VIP 用戶： 1. 會於 11 月 25 日停止服務 2....
Geplaatst door HKG+ op Dinsdag 25 oktober 2016
HKG+ 暫定去向
HKG+ 未來去向 首先，hkg.plus 依個網站同我地完全無關係，亦都無聯絡過我地，請大家小心，唔好俾人誤導。 再次衷心感激咁多巴絲，好多好感動既留言，我地全部都有睇。 短短 1 日已經有 1 萬多人 like 左 Facebook...
Geplaatst door HKG+ op Maandag 21 november 2016
連尼住交代起 LIHKG 原因
本身去緊旅行都打算不問世事架喇，點知收到好多朋友同我講出面好多流言，搞到我想抖下都唔得 2014年2月27日 LIHK HKGolden 於無預警下於 Google Play...
Geplaatst door 連尼住 op Woensdag 30 november 2016
